السلام عليكم ورحمة الله وبركاته
هل هذا الكلام صحيح ام به أقوال
وهل لو صح وحد كان بيتعامل بنفس الطريقه ليه كفاره؟
الخاتم الدهب بتاعك موضته قدمت وروحتي المحل بدلتيه بخاتم جميل جديد تحفة ودفعتي الفرق .. ورجعتي اليوم دا مبسوطة وفرحانة ❤️
استني ستوووووب ✋
تعرفي ان الـ عملتيه ده حرااام ولا يجوز .. ؟!
خدي بالك حرام .. يعني مش مكروه ولا غير مستحب
ليه بقى ..؟!
لإن استبدال (الذهب بالذهب) النبي قال إنه من الربا
وكلنا معشر النساء أو البنات عموما يعني 👊👊
منعرفش النقطة دي ومتعودين عادي نروح ناخد الغوشتين ولا الخاتم ونبدل ده بده وندفع الفرق وسلام عليكم
والأصل شرعا إنه .. لا يجوز بيع الذهب بالذهب أو الفضة بالفضة أو المال بالمال إلا :
مثلًا بمثل ، سواءً بسواء ، وزنًا بوزن ، يدًا بيد ، كما ورد ذلك في الأحاديث الصحيحة
ولو اختلف نوع الذهب بالجدة والقدم ، أو غير ذلك من أنواع الإختلاف
طيب تعالي نشوف أصلها كدا ...
ثبت في الصحيحين الآتي :
بلال رضي َ الله عنه جاء إلى النبي صلى الله عليه وسلم بتمر جيد
فقال له النبي عليه الصلاة والسلام : من أين هذا ؟!
قال بلال : كان عندنا تمر رديء .. فبعت منه صاعين بصاع
فعل ذلك ليُطعم النبي صلى الله عليه وسلم .. فقال رسول الله صلى الله عليه وسلم :
(لا تفعل ،، عين الربا عين الربا )
فبين له الرسول صلى الله عليه وسلم أن زيادة ما يجب فيه التساوي من أجل اختلاف الوصف أنها عين الربا وأنه لا يجوز للمرء أن يفعله
- ولكن رسول الله صلى الله عليه وسلم أرشده إلى الطريق المباح فأرشده النبي صلى الله عليه وسلم إلى أن يبيع الرديء بدراهم ثم يشتري بالدراهم تمرا جيدا 👍👍
يبقى قياساً على الموقف ده .. المفروض علشان نتجنب الحرام والربا هنا نعمل إيه ؟!
لو عاوزة تبيعي خاتم أو غويشة أو أي ذهب
تروحي المحل تبيعي الحاجة بتاعتك الأول عادي جدا وتقبضي ثمنها من الراجل في إيدك
وتشوفي لو عجبتك حاجة من نفس المحل تكملي على فلوسك وتدي الراجل تمن الحاجة الجديدة مرة واحدة وتشتري الـلي عجبك 🌸
لكن بدون م تدفعي فرق .. عملية البيع والشراء تتم منفصلة مش استبدال وفرق
هو ده الحلال والصورة الصحيحة غير كده ربا ولا يجوز ..
#حكم_بيع_واستبدال_الذهب_بالذهب.
# منقول #